«Җавапсыз мәхәббәт» - 22 яшьлек Алинәнең кулында бүләк тартмасы шартлаган

Тикшерү комитеты Мәскәүдә яшәүче 22 яшьлек кызны үтерергә маташу турында җинаять эше ачкан. Бу кызның кулында бүләк тартмасы шартлаган. «Вести» каналы шул хакта хәбәр итте.

Изумрудный бистәсендә дүшәмбе көнне сак хезмәтләре режимлы объекттагыдан да күбрәк була. Автоматлы полиция хезмәткәрләре һәр машинаны карый. очраклы кешеләр биредә уза алмый. Әлеге тикшерүнең сәбәбе – өч катлы йорт подъездында шартлау. Биредә яшәүче 22 яшьлек Алинәнең ишек төбендә серле тартма шартлый.

Тикшерү версиясе буенча, педагогик вузда укучы кызга серле тартма китерәләр. Анда кызның исеме язылган була. Кыз тартманы ача башлый һәм тартмага ут каба. Хәзер кыз хастаханәдә ята, аның куллары һәм бите бик каты пешкән. Җинаятьтә шикләнелүчене полиция тоткарлаган.

Алинәне гаиләсе фаҗигадән соң беренче минутларны видеога төшергән. Ул тартманы ачуга ук кулдан ясалган җайланма эшли.

Урынга криминалистлар килә. Беренче версия буенча, бу – кызга гашыйк булган егет эше. Ул якында гына яши. Расланмаган белешмә буенча, бу егет Алинә артыннан озак вакыт күзәтеп йөри, аннары гына сюрпризын калдырып китә. Аннары егет үзен эзләгәннәрен аңлагач, шәһәрдән качмакчы була. Берничә сәгать узгач аны тоткарлыйлар.

«Җавапсыз мәхәббәт нәтиҗәсендә сөйгән кызына җитди зыян китергән, хәзер кызга озак дәваланырга туры килә», диелә хәбәрдә.