«Мәхәббәт кайдадыр янәшә» – Илсөя Бәдретдинова сорауларга җавап биргән
Илсөя Бәдретдинова социаль челтәрдәге сәхифәсендә «Сөйләшик» рубрикасындагы сорауларга һәм теләкләргә җавап биргән.
«Мәхәббәт кайдадыр янәшә, сез аны күрмисез генә. Ә калганнары – иллюзия», – дип язган аңа бер виртуаль дусты.
«Миңа 44 яшь! Мин барысын да күрәм! Кайвакытта кирәкмәгәнен дә күрәм, сизәм. Әкиятләргә мин балачакта да ышанмый идем инде. Иллюзияләр белән беркайчан яшәмим», – дип җавап язган җырчы.