«Тәки әйтә алмадым» - Гүзәл Уразованы танымаганнар
Татарстанның халык һәм Башкортстанның атказанган артисты Гүзәл Уразованы танымаганнар. Кызыклы вакыйга турында җырчы, көлә-көлә, төркемендәге егет-кызларга сөйли. Ул видеоны социаль челтәрдә күрсәтте.
«Бүздәк урамында бер абый белән оза-а-ак итеп сөйләшеп тордык. «Мин Уразованы бик яратам, ул молодец», - ди. Минем белән шулай дип сөйләшеп тора. «Ярар, давай исәнлектә, әйбәт көннәр», – ди. Тәки әйтә алмадым: «Абый, мин инде ул Уразова», – дип. Абый җаным, сиңа күп сәламнәр», – дигән Гүзәл.
Язылучылары исә бу абый яраткан җырчысы белән сөйләшкәнен белергә тиеш иде дигән фикердә. «Нигә әйтмәдегез инде. Вәт күңеле була иде абзыйның», «Җырлап җибәрергә иде», – дип киңәш иткән алар.