8 Мартка нинди чәчәкләр бирмәү хәерле?

Аллерголог Олег Кривцун 8 Мартка нинди чәчәкләр бирмәү хәерле икәнен әйткән. Бу турыда «РИА Новости» яза.

Мимоза, көнбагыш, хризантема чәчәкләре бүләк итмәскә тырышыгыз. Алар серкә бүлеп чыгара – ә чәчәк серкәсе аллергия китереп чыгарырга мөмкин. Җимешлеге (пестик) һәм чыбыкчалары (черенки) кечкенә, коелмый торган үсемлекләрне сайлагыз. Гадәттә розалар, гортензияләр һәм лалә чәчәкләре куркынычсыз, дип санала.

Белгеч сүзләренчә, сезонлы аллергиядән интеккән кешеләрнең күбесе өчен бакча чәчәкләре зур куркыныч тудырмый. Аллергиклар өчен төп дошман — җил белән серкәләнә торган үсемлекләр, чөнки аларның серкәсе һавада очып йөри.

«Беренче чиратта, безне, аллерген буларак, җил белән серкәләнә торган үсемлекләр кызыксындыра. Болар — каеннар семьялыгына кергән үсемлекләр: каен, зирек, имән һәм башкалар. Әгәр бөҗәкләр ярдәмендә серкәләнә торган үсемлекләр, ягъни чәчәкләр турында сөйләсәк, күпчелек очракта алар куркыныч реакция тудырмый. Аларның серкәсе авыр була, шуңа күрә серкә болыты барлыкка китерми һәм өй эченә таралмый», — дип аңлатты Кривцун.

Шулай да хәвефне тулысынча бетерү өчен табиб вак серкәчле яки серкәсе коелмый торган үсемлекләрне сайларга киңәш итә. Бу серкәнең очраклы рәвештә һавага күтәрелүен булдырмаска ярдәм итә.

«Күпчелек очракта розалар, гортензияләр, лаләләр куркынычсыз санала. Ә менә көнбагыш, хризантема һәм мимозаны бүләк иткәндә сак булырга кирәк. Аларның серкәсе җиңелрәк һәм уалып төшәргә мөмкин», — дип йомгаклады аллерголог-иммунолог.