Хәрби хезмәттә булган Әлмәт егетләрен Яңа ел белән котладылар
(Әлмәт, 1 гыйнвар, «Татар-информ», « Әлмәт таңнары »). Әлмәт шәһәре хәрбия комиссариатының ата-аналар комитеты вәкилләре — «Әлмәт таңнары» газетасының баш мөхәррире Рәфкать Шаһиев һәм Вера Ямановалар, Самара шәһәрендә урнашкан 73403 хәрби частьта булып кайтты.
Бүгенге көндә әлеге частьта Әлмәт шәһәре һәм районыннан 25 егет хезмәт итә. Егетләргә бүләкләрне Хәрби комиссариат әзерләгән иде.
Хәрби часть җитәкчелеге бик җылы каршы алган. Штаб начальнигы вазифаларын башкаручы подполковник А. В. Шуваев егетләрнең хезмәт итү тәртибе белән таныштырды. Солдат ашханәсендә, солдатларның тулай торагында экскурсиядә булып хезмәт итү шартлары белән таныштырды. Егетләргә Яңа ел бүләкләрен тапшырдылар, ата-аналарның, хәрби комиссар Р.Р. Сабировның котлауларын, сәламнәрен җиткерделәр.
Хәрби часть бездә бары тик уңай фикерләр генә калдырды. Үз чиратында алар Әлмәт хәрби комиисариатына рәхмәтләрен җиткерде, бездән килгән егетләрнең әзерлек һәм тәртип ягыннан мактауга лаеклы икәннәрен әйтте.
Егетләргә яхшы хезмәт итүләрен һәм чын ир-егетләр булып туган йортларына исән-сау әйләнеп кайтуларын телибез. Барлык ата-аналар, Әлмәт муниципаль районы хакимияте һәм хәрби комиссариат исеменнән безне шулай җылы каршылаганнары өчен 73403 хәрби часть җитәкчелегенә рәхмәт белдергәннәр.