У Слоніме за два дні пройдзе 10 экскурсій. Што пакажуць экскурсаводы
Запланаваны экскурсіі ў касцёл святога Андрэя, па Малым канале Агінскага, у прыватны музей старажытных рэчаў сям`і Анішчык, народны музей рэвалюцыйнай і баявой славы імя А.С. Жукоўскага ў СШ №4, музей гісторыі агульнай сярэдняй адукацыі ў СШ №3 і іншыя.
Экскурсіі з усімі ахвотнымі правядуць мясцовыя гісторыкі, краязнаўцы, работнікі музея і не толькі на валанцёрскай аснове.
З поўным раскладам экскурсій можна азнаёміцца па спасылцы.
Так, Сяргей Бурсевіч раскажа пра гістарычны цэнтр горада, які фарміраваўся ў XVI-XVIII стст.
Ірына Радзецкая правядзе экскурсію па археалагічным Слоніме.
Васіль Афанасік раскрые таямніцы гістарычнага пласта Слоніма з глыбіні 3 метраў і да вышыні 46 метраў.
Галіна Барысік паведаміць пра гісторыю стварэння помніка воінам-вызваліцелям на вуліцы Пушкіна і раскажа пра герояў, чые імёны выбітыя на гранітных плітах памяці.