У Бераставіцкім раёне згарэла 7 тон саломы, 3 тоны выратавалі
Днём 28 сакавіка выратавальнікам паступіла паведамленне пра пажар на сенаскладзе ў полі каля вёскі Каянеўцы Бераставіцкага раёна, паведамляе МНС.
На месцы супрацоўнікі МНС выявілі гарэнне здробленай саломы ўсярэдзіне металічнага склада грубых кармоў арачнага тыпу.
У гэты час работнікі мясцовай сельгасгаспадаркі ўжо тушылі ўзгаранне агнятушыльнікамі, змагаліся з агнём з дапамогай аўтапагрузчыка і цыстэрнаў з вадой, але сваімі сіламі патушыць агонь ім не ўдалося.
Стала вядома, што падчес штодзённага аб’езду аб’ектаў прадпрыемства спецыяліст выявіў рэшты саломы, якія гарэлі каля склада і якія разнёс вецер.
У складзе знаходзілася 10 тон здробленай саломы леташняга ўраджаю. Тры тоны ўдалося выратаваць, а сем тон знішчаны агнём.
Як мяркуюць, прычынай пажару магло стаць неасцярожнае абыходжанне з агнём. Віноўніка пажару выяўляюць.
Фота і відэа МНС