Гарэлі жылыя хаты ў Карэліцкім і Лідскім раёнах, адзін чалавек загінуў
За апошнія суткі ў Гродзенскай вобласці здарыліся тры пажары, адзін чалавек загінуў у агні, паведамляе МНС.
Вечарам 30 лістапада гарэла жылая хата ў вёсцы Руднікі Карэліцкага раёна. Агнём знішчаны дах, пашкоджаны перакрыцці і сцены хаты. На пажарышчы знойдзена цела загінулага мужчыны.
Ноччу 1 снежня гарэла жылая хата ў вёсцы Дудары Лідскага раёна. У выніку пажару пашкоджаны дах, сцены, перакрыцці і маёмасць у хаце.
Пад раніцу 1 снежня выратавальнікам паступіла паведамленне пра пажар у жылой хаце ў вёсцы Рэп’ева Карэліцкага раёна. Там агнём пашкоджаны дах, перакрыцці і маёмасць у хаце.
Прычыны пажараў высвятляюцца.