Пажары на Гродзеншчыне: у Гродне гарэў легкавік і ўваходныя дзверы ў кватэры, а ў Дзятлаўскім раёне — хата

За апошнія суткі ў Гродзенскай вобласці здарыліся тры пажары, адзін чалавек загінуў, паведамляе МНС

Днём 26 сакавіка на праспекце Кузняцова ў Гродне гарэў легкавік «Citroen C5» 2001 года выпуску. У выніку ўзгарання пашкоджана пярэдняя частка «Citroen C5» і задняя частка прыпаркаванага побач легкавіка «Mitsubishi Space Star» 1999 года выпуску.

26 сакавіка ў 22.32 выратавальнікам паступіла паведамленне пра пажар у жылой хаце ў вёсцы Ненадовічы Дзятлаўскага раёна. Агнём знішчаны дах, перакрыцці і маёмасць у хаце, пашкоджаны сцены. У 23.12 быў знойдзены мёртвым гаспадар хаты 1954 года нараджэння.

Раніцай 27 сакавіка выратавальнікам паведамілі пра загаранне ўваходных дзвярэй у кватэры на вуліцы Піліпа Пестрака ў Гродне. Агонь пашкодзіў абшыўку дзвярэй.

Прычыны пажараў высвятляюцца.