У Гродне гаспадар перадаў легкавік для рамонту, а майстар паехаў на ім у краму па алкаголь — цяпер яму пагражае да трох гадоў пазбаўлення волі
У пачатку красавіка 26-гадовы жыхар Гродна перадаў свой легкавік «Audi A4» для рамонту 36-гадоваму майстру. 7 красавіка майстар піў алкаголь, а потым вырашыў паехаць у краму па дабаўку на чужой машыне. Даехаўшы да гандлёвага аб’екта на вуліцы Ціміразьева, мужчына пакінуў там машыну. Там і ўбачыў свой легкавік яго ўладальнік ды паведаміў пра гэта ў міліцыю.
Цяпер супраць майстра ўзбудзілі крымінальную справу па артыкуле «Угон», і яму пагражае да трох гадоў пазбаўлення волі.
Фота УУС