Ғылым шаруаға келді: Қазақстанда топырақты пестицидтерден тазартудың жаңа технологиясы қолға алынды
АЛМАТЫ.KAZINFORM - Қазақстандық шаруалар жыл сайын егін сапасына кері әсер ететін зиянкестер мен ауруларға байланысты проблемаларға тап болады. Зиянкестермен күресу бойынша білім мен дағдылардың жеткіліксіздігі салдарынан пестицидтерді де дұрыс пайдалана алмай жатады. Нәтижиесінде, химиялық дәрілер адам денсаулығына және қоршаған ортаға әсер етуі мүмкін. Осы химиялық заттарды қолдануды барынша азайту үшін ФАО-ның жетекшілігімен ғалымдар био және фиторемедикацияның экономикалық қолжетімді, экологиялық таза және қарапайым технологиясын қолдана бастады.