OpenAI-ի համահիմնադիր Իլյա Սուցկվերը լքում է ընկերությունը
OpenAI-ի համահիմնադիր Իլյա Սուցկվերը հայտարարել է ընկերությունից հեռանալու մասին:
Իլյա Սուցկվերը OpenAI-ի գլխավոր գիտնականն էր։ Նա որոշման մասին գրել է X-ում (նախկինում՝ Twitter) եւ շնորհակալություն հայտնել ընկերության ղեկավարությանն ու գործընկերներին թիմային աշխատանքի համար։ Ընկերությունից հեռանալուց հետո Սուցկվերը կմշակի մի նախագիծ, որը «շատ կարեւոր է անձամբ իր համար», բայց մանրամասներ չի հայտնել:
After almost a decade, I have made the decision to leave OpenAI. The company’s trajectory has been nothing short of miraculous, and I’m confident that OpenAI will build AGI that is both safe and beneficial under the leadership of @sama, @gdb, @miramurati and now, under the…
— Ilya Sutskever (@ilyasut) May 14, 2024
Յակուբ Պաչոցկին կդառնա OpenAI-ի հետազոտությունների նոր տնօրենը։ Նա ղեկավարել է GPT-4-ի եւ OpenAI Five-ի մշակումը:
2023 թվականի նոյեմբերին տնօրենների խորհուրդը Սեմ Ալթմանին ազատեց գլխավոր տնօրենի պաշտոնից։ Լրատվամիջոցների աղբյուրների համաձայն՝ հենց Սուցկվերն է խաղացել Ալթմանի պաշտոնանկության գլխավոր դերերից մեկը։
OpenAI-ի 700 աշխատակցից 505-ը սպառնացել է տեղափոխվել Microsoft, եթե խորհուրդը հրաժարական չտա, իսկ Սուտցկվերը խոստովանել է, որ զղջում է խորհրդի գործողություններում ներգրավված լինելու համար: Որոշումից չորս օր անց OpenAI-ը վերադարձրեց Սեմ Ալթմանին որպես գործադիր տնօրեն: