როგორ დავიწყოთ დილა ჯანსაღად და პოზიტიურად
ფსიქოლოგები ამბობენ, რომ პატარა დეტალების ცვლილება საერთო ჯამში დიდ ცვლილებებს იწვევს. ყოველი დღე შეიძლება იყოს გასაოცარი, თუ მას სწორად და კარგი განწყობით დავიწყებთ.
მიეცით საკუთარ თავს დრო. თუ ერთი საათით უფრო ადრე მოემზადებით, ვიდრე საჭიროა, დრო ბევრ რამეზე დასაფიქრებლად დაგრჩებათ.
ამერიკელი ტელევარსკვლავი ოპრა უინფრი დღეს მადლობის გადახდით იწყებს. თუ სამყაროს მიმართ მადლიერებას გამოხატავთ, იგი უფრო მეტს გააკეთებს თქვენთვის.
გაღვიძებისას, როცა საწოლიდან წამოდგებით, რამდენჯერმე ღრმად ჩაისუნთქეთ. მიმართეთ იოგას, მედიტაციას, ვარჯიშს ან სხვა ფიზიკურ აქტივობას, რაც სხეულს გამოფხიზლებაში დაეხმარება. თუ დრო გაქვთ, სამსახურში წასვლამდე ფეხით გასეირნებაც არაჩვეულებრივი იდეაა.
10-15 წუთის განმავლობაში ჟურნალში ჩანაწერების გაკეთება დაგეხმარებათ დღის პოზიტიურად წარმართვაში. დაწერეთ ის, რასაც საკუთარ თავს უსურვებდით და როგორიც გინდათ, რომ თქვენი დღე იყოს.
რაც მთავარია, არ დაივიწყოთ საუზმე. ეს რაციონის ყველაზე მნიშვნელოვანი ნაწილია. მიირთვით საუზმეზე მხოლოდ ჯანსაღი პროდუქტი, თუ დღის განმავლობაში არაჯანსაღი საკვების მიღება გიწევთ, საუზმე აუცილებლად უნდა დააბალანსოთ.
წყარო: Twinings