Løvberg held fram til 2024
Petter Løvberg (60) skal halde fram som trenar for landslaget i symjing i fire år. I tillegg skal han også ha ansvaret for para-landslaget.
Kontrakten strekkjer seg til og med OL og Paralympics i Paris i 2024.
– Vi har eit ungt, offensivt og spennande landslag som er i sterk utvikling. Eg kjenner meg topp motivert til å ta fatt på fire nye år, seier Løvberg i ei pressemelding.
Løvberg har vore landslagssjef sidan 2001, og blei kåra til årets trenar på Idrettsgallaen i 2013.