VM-byane 2026 er klare

Fifa offentleggjorde torsdag kva byar som skal huse fotball-VM i USA, Mexico og Canada i 2026.

I USA: Arlington (nær Dallas), Atlanta, East Rutherford (nær New York), Foxboro (nær Boston), Houston, Kansas City, Los Angeles, Miami, Philadelphia, Santa Clara (nær San Francisco) og Seattle.

I Mexico: Guadalajara, Mexico by og Monterrey.

I Canada: Toronto og Vancouver.

Dei seks søkerbyane som ikkje nådde opp var Cincinnati, Denver, Nashville, Orlando og Washington/Baltimore i USA, Edmonton i Canada.

Estadio Azteca i Mexico by har tidlegare vore arena for to VM-finalar, i 1970 og 1986.

Rose Bowl i Los Angeles-forstaden Pasadena var finalearena i 1994.

Denne gongen er det ein annan Los Angeles-forstad, Inglewood, som blir VM-vert gjennom sin relativt nybygde NFL-arena.

VM blir det aller første med 48 lag. Det blir også første som bli halde i tre ulike land.

Det skal spelast totalt 80 kampar. 60 av kampane går i USA, Mexico og Canada får ti kampar kvar. Det blir 16 grupper à tre lag i gruppespelet.