Steinar Amundsen frå "gullfiraren" er død
Steinar Amundsen, ein av padlarane frå den legendariske «gullfiraren» frå OL i Mexico by, er død, 76 år gammal, melder Asker og Bærum Budstikke.
Han døydde på Bråset bu- og behandlingssenter torsdag, etter lengre tids sjukdom, opplyser familien til avisa.
Steinar Amundsen sat i K4-båten saman med Jan Johansen, Egil Søby og Tore Berger.
«Gullfiraren» vart eit omgrep i norsk idrett med den overraskande gullmedaljen sin. Amundsen var også med å ta EM-gullet i 1969 og VM-gullet i 1970. Båten tok bronse under OL i München i 1972.
Amundsen representerte Bærum Kajakklubb.