VM-sølv til Claussen
Simon Kolstad Claussen sikra seg sølv på 300 meter standardrifle open klasse under VM i skyting i Kairo. Gullet gjekk til danske Steffen Olsen.
Simon Kolstad Claussen hadde 197, 200 og 189 på sine seriar. Det gav 586 totalt og med 25 innertiarar.
Olsen var i ei klasse for seg og hadde 591 poeng. Dansken fekk revansj over Claussen som måndag var med å ta gullet i 50 meter saman med Jenny Stene for blanda lag. Nordmennene slo danskane i gullfinalen.
Det blei skote 2 x 20 skot på kneståande, liggjande og ståande med standard rifle.
Kim André Lund enda på 6.-plass, også han med 586 poeng etter 192, 199 og 195, men han hadde 20 innertiarar.
Systera Katrine Lund hadde 584 poeng (194-197-193) på 9.-plass, mens Jenny Vatne blei nummer 12 med 582 poeng (195-195-192).
Det var Noregs sjuande medalje i VM etter to gull, tre sølv og to bronse.