«Манчестер Юнайтед» Семеньо учун улкан маош таклиф қилмади

«Манчестер Юнайтед» «Борнмут» юлдузи Антуан Семеньони трансфер қилиш имкониятидан айрилганга ўхшайди. Сешанба куни кўплаб нуфузли манбалар хабар беришича, 25 ёшли вингер учун курашда «Манчестер Сити» ғолиб чиққан.

Transfer News Live журналист Sam C’га таяниб ёзишича, молиявий масала «қизил иблислар»нинг ганалик футболчи бўйича баҳсда ютқазишига сабаб бўлган омиллардан бири: «Манчестер Юнайтед» футболчининг талабларини қондириш учун маошлар тузилмасини бузмасликка қарор қилган. Антуан Семеньо Англия Премьер-лигасининг жорий мавсумида «Борнмут» сафида 16 ўйинда саккизта гол урди ва учта голли узатма берди.