Чуквуезе Консейсау ва Аллегри ўртасидаги фарқни тушунтирди

Англиянинг «Фулҳем» клубида ижара асосида тўп сураётган Самуэл Чуквуезе «Милан»нинг собиқ ва амалдаги бош мураббийи ўртасидаги фарқни изоҳлади. Ҳуқуқлари ҳануз «Милан»га тегишли бўлган нигериялик ҳужумчи шундай деди: «Ҳар бир мураббийнинг ўз услуби ва ўз ғоялари бор.

Консейсаунинг ғоялари Аллегри ғояларидан фарқ қилади. Фалсафаси ҳам бошқача.

Уларни умуман солиштириш қийин», — дея Чуквуезе сўзларини pianetamilan.it келтиради. Ҳозир «россонери» Италия чемпионати турнир жадвалида иккинчи ўринда бормоқда.

«Милан» охирги бор 2022 йилда Италия чемпиони бўлган, ўшанда жамоани Стефано Пиоли бошқарган.