Карпин Сафонов ва мухлисларни Янги йил билан табриклади

Россия терма жамоаси бош мураббийи Валерий Карпин мухлисларни кириб келаётган Янги йил билан табриклади. «Барчани кириб келаётган Янги йил билан.

Янги бахт, янги ютуқлар тилаймиз, ҳаммага энг-энг яхши тилакларимизни билдирамиз. 2026 йил 2025 йилдан яхшироқ бўлсин», — деди Карпин Россия терма жамоаси матбуот хизмати эълон қилган видеода.

Шунингдек, Валерий Карпин видеода у билан бирга анъанавий «Оливье» салатини тайёрлаган дарвозабон Матвей Сафоновни алоҳида табриклади. «2026 йил ўйин нуқтайи назаридан яхшироқ бўлсин ва майдонда ўтказадиган дақиқаларинг кўпроқ бўлсин», — деди Карпин.

Россия терма жамоаси навбатдаги йиғинни март ойининг охирида ўтказади.