Кейн реализация рейтингида пешқадам, Роджерс иккинчи ўринда

Европанинг беш кучли чемпионатида зарбаларни энг самарали голга айлантираётган футболчилар рейтингига «Бавария» ҳужумчиси Гарри Кейн бошчилик қилмоқда. 32 ёшли форвард Бундеслиганинг жорий мавсумида 19 бор рақиб дарвозасини ишғол қилди ва бу кўрсаткич унинг кутилган голлари (xG)дан 4,65 тага юқори, дея хабар беради WhoScored. Бу ҳақда euro-football.ru хабар беради.

Рўйхатда иккинчи поғонани яна бир англиялик — «Астон Вилла» вакили Морган Роджерс эгаллади. У 7 та гол уриб, ўзининг xG кўрсаткичидан 4,17 тага яхшироқ натижа қайд этди.

Энг «шафқатсиз» якунловчилар учлигини «Милан»нинг америкалик футболчиси Кристиан Пулишич якунлаб берди: унинг ҳисобида 8 та гол ва xGдан +3,49 фарқ бор.

Қайд этилишича, Гарри Кейн беш топ-лигада тўпурарлик пойгасида «Манчестер Сити» ҳужумчиси Эрлинг Ҳоланд билан бирга етакчи ҳисобланади, бироқ норвегиялик форвард шунга яқин натижага эришиш учун кўпроқ хавфли вазиятларга муҳтож бўлган.