ПСЖ қишда трансфер бозорида катта харид қилмаслиги мумкин
Франциянинг «Пари Сен-Жермен» клуби қишки трансфер ойнасидаги режаларига оид янги маълумотлар пайдо бўлди. Бу ҳақда euro-football.ru хабар беради.
Журналист Бенжамен Куаре маълум қилишича, ПСЖ ҳозирги таркибидан қониқмоқда ва шу боис январда янги футболчи сотиб олиш эҳтимоли паст. Шунга қарамай, парижликлар «Бенфика»нинг икки нафар 17 ёшли иқтидорини — ҳужумчи Анисиу Кабрал ҳамда ярим ҳимоячи Рафаэл Кинтасни кузатиб бормоқда. Бу футболчилар ёзда ПСЖ сафини тўлдириши мумкин, бироқ уларга «Манчестер Юнайтед» ва «Манчестер Сити» ҳам қизиқиш билдирмоқда.
Лига 1нинг 16-туридан сўнг ПСЖ 36 очко билан турнир жадвалида иккинчи ўринда бормоқда. Жамоа пешқадам «Ланс»дан атиги бир очко ортда қолган.