Серхио Рамос Париж клубининг таклифини рад этди
Мадриднинг «Реал»и ва «ПСЖ»даги фаолияти билан танилган Серхио Рамос Франция пойтахтига қайтиш эҳтимолини кўриб чиқди, бироқ «Париж» клубидан тушган таклифни рад этди. Бу ҳақда Foot Mercato хабар берди. Бу ҳақда euro-football.ru хабар беради.
39 ёшли ҳимоячи Мексика чемпионатидаги мавсум якунланганидан сўнг эркин агент мақомида қолмоқда. 2010 йилги жаҳон чемпиони ўтган йили «Монтеррей» билан тузган шартномасини тўлиқ бажарди: у клуб сафида 19 ўйинда майдонга тушиб, 3 та гол урди ҳамда 8 бор огоҳлантириш олди.
Аввалроқ Рамос Франция олий дивизионига қайтиши мумкинлиги, унга «Ницца» қизиқиш билдираётгани ҳақида гап-сўзлар тарқалганди. Бироқ клуб президенти Жан-Пьер Риве бу маълумотларни инкор этди.