Мадуэке «Арсенал» чемпионлик пойгасидан чўчимаслиги кераклигини айтди
Лондоннинг «Арсенал» клуби футболчиси Нони Мадуэке жамоанинг АПЛдаги чемпионлик курашига доир фикрларини билдирди. Бу ҳақда euro-football.ru хабар беради.
Шанба куни Микел Артета шогирдлари сафарда «Борнмут»ни 3:2 ҳисобида мағлуб этди. «Канонирлар» 48 очко билан турнир жадвалида пешқадам, кейинги ўринларда «Астон Вилла» (42) ва «Манчестер Сити» (41) бормоқда. «Шаҳарликлар»нинг захирада битта ўйини ҳам бор.
«Чемпионлик ҳақида гаплар барибир бўлади. Бу мавзудан қочмаслигимиз керак — босимни қабул қиламиз. Ҳозир олдиндамиз, рақиблар бизни қувиб етишга мажбур, биз эса ўз ишимизни қилишда давом этамиз: ўйинларни ютиш. Режамиз ҳам шу», — дея Мадуэке сўзларини журналист Коннор Хамм келтирди.
Эслатиб ўтамиз, «Арсенал» Англия чемпиони унвонини охирги бор 2004 йилда қўлга киритган.