Флик «Барселона» учун Испания Суперкубогининг муҳимлигини таъкидлади
«Барселона» бош мураббийи Ханс-Дитер Флик Испания Суперкубоги ҳақида фикр билдирди. Мусобақа учрашувлари Саудия Арабистонида бўлиб ўтади. Бу ҳақда euro-football.ru хабар беради.
Ярим финал баҳси 7-январ куни бўлиб ўтади: каталонияликлар «Атлетик» Билбао билан тўқнаш келади. Иккинчи финалчи эса бир кун ўтиб «Атлетико» Мадрид ва «Реал» Мадрид ўртасидаги баҳсда аниқланади.
Фликнинг айтишича, жамоанинг асосий мақсади — Суперкубокни қўлга киритиш. Бироқ аввал «Атлетик» каби қийин рақибдан ўтиш керак. Мураббий режасига кўра, эртага жамоа дам олади, ундан кейинги куни машғулот ўтказиб, Саудия Арабистонига йўл олади.
Испания Суперкубоги финали 11-январ куни ўтказилади. «Барселона» амалдаги чемпион ҳисобланади.