Бугун «Барселона» ва «Атлетик» ўртасида муҳим баҳс бўлади
Испания Суперкубоги ярим финали доирасида 7-январ куни «Барселона» ва «Атлетик» ўзаро тўқнаш келади. Учрашув 00:00 да (Тошкент вақти билан) старт олади. Бу ҳақда euro-football.ru хабар беради.
Букмекерлар баҳосига кўра, «Барселона»нинг асосий вақтда ғалаба қозониш эҳтимоли 63,7% деб кўрсатилган. Дуранг натижа 20,2% билан баҳоланган бўлса, «Атлетик»нинг ютиши 16,1% эҳтимол сифатида қайд этилган.
Шунингдек, мутахассислар финал йўлланмаси масаласида ҳам «Барселона»ни фаворит деб билмоқда: каталонияликларнинг финалга чиқиш имконияти 73,2% дея баҳоланган. «Атлетик»нинг умумий ҳисобда устун келиши эҳтимоли эса 26,8%.
«Барселона» – «Атлетик» учрашувининг жонли трансляцияси спорт порталимизда намойиш этилади.