Хаби Алонсо «Реал»нинг «Атлетико»га қарши дербисини таҳлил қилди

Мадриднинг «Реал» клуби Испания Суперкубоги ярим финалида «Атлетико»ни 2:1 ҳисобида мағлуб этди. Бу ҳақда euro-football.ru хабар беради.

Учрашувнинг 2-дақиқасидаёқ Федерико Вальверде «қаймоқранглилар»ни олдинга олиб чиқди. 55-дақиқада эса Родриго ҳисобни 2:0 га етказди. «Атлетико» 58-дақиқада Александер Сёрлотнинг голи билан жавоб қайтарди.

Матбуот анжуманида Хаби Алонсо дерби ниҳоятда оғир кечганини таъкидлади: «Жуда мураккаб ўйин бўлди. Дастлабки дақиқалардаги Феде голи бизга катта ёрдам берди. Кўп ҳимояланишга тўғри келди. Йигитлар “Атлетико”га қарши қандай ўйнашни билишини ва курашишга тайёрлигини кўрсатди. Ўйин давомида, ҳатто 2:0 ва 2:1 ҳисобида ҳам, доимий тузатишлар киритишга мажбур бўлдик — совринлар айнан шундай ёндашув билан ютиб олинади», — деди у.

Суперкубок финалида «Реал» «Барселона»га қарши майдонга тушади. «Эл класико» 11 январ куни бўлиб ўтади.