Гарри Кейн топ чемпионатларда 20 гол урган иккинчи футболчи бўлди
"Бавария" ҳужумчиси Гарри Кейн январ ойидаёқ Бундеслигада 20 та гол уриш маррасига етди. 32 ёшли англиялик форвард якшанба куни "Волфсбург"га қарши ўйинда ўзининг 20-голини киритди ва Мюнхен клуби 8:1 ҳисобида йирик ғалабага эришди. Бу ҳақда euro-football.ru хабар беради.
Шу тариқа Кейн жорий мавсумда Европанинг беш кучли лигасида 20 гол чегарасидан ошган иккинчи футболчига айланди. Бунгача бу натижани фақат "Манчестер Сити" ҳужумчиси Эрлинг Холанд қайд этган: у АПЛда 21 учрашувда 20 голга етган бўлса, Кейнга Германия чемпионатида бунинг учун 16 ўйин кифоя қилди.
16 турдан кейин "Бавария" 44 очко билан Бундеслига жадвалида етакчилик қилмоқда. Мюнхенликлар Дортмунднинг "Боруссия"сидан 11 очкога илгарилаб кетган.