Франция ҳам мундиални бойкот қилиш эҳтимолини инкор этмади
Аввалроқ АҚШда ўтадиган жаҳон чемпионати айрим “прогрессив европалик” давлатлар томонидан бойкот қилиниши мумкинлиги ҳақида хабар берган эдик. Бу мавзу айниқса Германияда фаол муҳокама қилинмоқда. Энди вазиятга Франция спорт вазири Марина Феррари ҳам муносабат билдирди. Бу ҳақда euro-football.ru хабар беради.
Феррари ҳозирча бундай ният йўқлигини таъкидлади: турнир ниҳоятда муҳим. Шунга қарамай, у келгусида ҳеч нарсани истисно этмаслигини айтиб, вазият қандай ўзгаришини кузатиб боришларини қўшимча қилди.
Эслатиб ўтамиз, жаҳон чемпионати 11 июнда старт олади ва бир вақтнинг ўзида уч мамлакат — АҚШ, Мексика ҳамда Канадада бўлиб ўтади. Франция терма жамоаси амалдаги жаҳон вице-чемпиони ҳисобланади.