Елагин “Арсенал” мағлубиятидан кейин “МЮ” ўйинини мақтаганини айтди
АПЛнинг 23-тур марказий баҳсида Лондоннинг “Арсенал” жамоаси “Манчестер Юнайтед”га қарши учрашувда 2:3 ҳисобида мағлуб бўлди. Ўйин якундан сўнг таниқли шарҳловчи Александр Елагин натижа ва томонлар ўйинига муносабат билдирди. Бу ҳақда euro-football.ru хабар беради.
Елагин ижтимоий тармоқлардаги постида “Манчестер Юнайтед”нинг анча вақтдан бери бунчалик жипс ва уйғун ҳаракат қилганини кўрмаганини таъкидлади. Унинг фикрича, бу “Сити” ўрнини эгаллаб, деярли “мукаммал механизм”га айланган “Арсенал” фонида айниқса яққол кўринган. Шарҳловчи “МЮ” ўйиндан ўйинга яшаб келаётганини, шунчаки “тирик қолмаётганини”, балки ҳақиқатан яшаётганини қайд этди.
Сафардаги ушбу ғалабадан кейин манкунианлар Англия чемпионати турнир жадвалида тўртинчи поғонага кўтарилди. “Канонирлар” эса ҳануз биринчи ўринни сақлаб турибди.