Арне Слот «Ливерпуль»нинг Чемпионлар лигаси йўлланмаси ҳақида гапирди
«Ливерпуль» бош мураббийи Арне Слот жамоасининг кейинги мавсум Европа Чемпионлар лигасида қатнашиш имкониятлари ҳақида фикр билдирди. Бу ҳақда euro-football.ru хабар беради.
Нидерландиялик мутахассиснинг айтишича, «қизиллар» Чемпионлар лигаси зонасига яқин турибди, бироқ турнир жадвалининг юқори қисмида очколарни қувиб етиш анча мураккаб. Слот таъкидлашича, пастдаги жамоалар тез-тез очко йўқотади, етакчилар эса камроқ қоқилади, шу боис юқорига кўтарилиш учун ҳар учрашувда ғалаба қозониш зарур.
Ҳозирги вақтда «Ливерпуль» АПЛ турнир жадвалида 42 очко билан 6-ўринда бормоқда.