«Челси» «Ювентус» футболчиси учун Гарначони таклиф қилмоқда
Лондоннинг «Челси» клуби «Ювентус» билан футболчи алмашинуви вариантини кўриб чиқмоқда. Бу ҳақда euro-football.ru хабар беради.
Журналист Аарон Рамиро хабарига кўра, «кўклар» Турин жамоасига 21 ёшли қанот вингери Алехандро Гарначони 57,5 млн евро қўшимча тўлов билан таклиф қилмоқчи. Эвазига инглиз гранди яқинда «Ювентус» билан шартномасини узайтирган 20 ёшли ҳужумчи Кенан Йилдизни ўз сафига қўшиб олишни истамоқда. Сўнгги ҳафталарда икки клуб ўртасида музокаралар фаол кечаётгани айтилмоқда.
Жорий мавсумда Гарначо барча мусобақаларни инобатга олганда 29 ўйинда майдонга тушиб, 6 гол ва 3 ассист қайд этди. Йилдиз эса 33 учрашувда 9 гол уриб, 8 та голли узатма муаллифи бўлди.