«Нант» клуби антирекордни такрорлаш ёқасига келиб қолди
Франциянинг энг совриндор жамоаларидан бири саналадиган «Нант» оғир даврни бошдан кечирмоқда: клуб чемпионатда кетма-кет беш учрашувда мағлуб бўлди ва энди тарихидаги энг ёмон серияни такрорлаш хавфи остида турибди. Бу ҳақда euro-football.ru хабар беради.
Агар навбатдаги турда ҳам омадсизлик юз берса, «Нант» 1999 йил кузида қайд этилган антирекордга тенглашади. Ўшанда Рейналд Денуек мураббийлиги даврида жамоа Франция чемпионатида кетма-кет олти марта ютқазган эди. Кейинчалик Денуек Испаниянинг «Реал Сосьедад» клубида россиялик ярим ҳимоячи Валерий Карпин билан ҳам ишлаган.
Кейинги турда «Нант» «Гавр»га қарши майдонга тушади.