Постекоглу «Ноттингем Форест»ни қабул қилганидан афсусда
Анже Постекоглу сентябр ойида «Ноттингем Форест» бошқарувини қабул қилганди, бироқ атиги саккизта ўйиндан сўнг лавозимидан бўшатилди. Мутахассис бу таклифга рози бўлгани нотўғри қарор бўлганини тан олди. Бу ҳақда euro-football.ru хабар беради.
Постекоглу The Overlap’га берган интервьюсида «Форест»даги вазият учун масъулиятни тўлиқ ўз зиммасига олди: у бу ишга киришишдан аввал яхшилаб ўйлаб кўриш керак бўлганини, вақт ёки шароитни баҳона қилишдан фойда йўқлигини айтди. Унинг таъкидлашича, «Тоттенхем»дан кейин жуда тез янги жамоага ўтиб кетган ва бу хато бўлган.
Мураббий, шунингдек, ёзги танаффусда кўп йиллардан бери илк бор ишламай қолганини эслаб ўтди. Одатда у бу пайтда трансферлар ва мавсумолди тайёргарлик билан банд бўлишини, бу сафар эса ўзини йўқотиб қўйгандек ва бўшлиқ ҳис қилганини билдирди.
Эслатиб ўтамиз, «Ноттингем Форест» яқинда Витор Перейрани бош мураббий этиб тайинлади. У 2025/2026 йилги мавсумда жамоанинг тўртинчи мураббийи бўлди.