«Бетис» «Севилья» дербиси олдидан очиқ машғулотни қайтарди
Испания чемпионатидаги навбатдаги турда «Бетис» «Севилья»га қарши майдонга тушади — бутун Европада яхши танилган, муросасиз рақиблар ўртасидаги дерби. Учрашув арафасида клуб раҳбарияти биринчи даврада омад келтирган анъанани яна тиклашга қарор қилди: ўшанда «Бетис» «Севилья» майдонида 2:0 ҳисобида зафар қучганди. Бу ҳақда euro-football.ru хабар беради.
Гап шанба куни барча хоҳловчилар учун очиқ тарзда ўтказиладиган машғулот ҳақида бормоқда. Мавсумнинг биринчи қисмида шундай тадбирга 11 мингдан ортиқ мухлис ташриф буюрган эди.
Эслатиб ўтамиз, дерби якшанба оқшомида бўлиб ўтади. Жорий мавсумда «Бетис»нинг чемпионатдаги натижалари «Севилья»никига қараганда анча яхшироқ кечмоқда.