Владимир Быстров Никарагуа рейтингига эътибор бермади
Жума куни Россия терма жамоаси 27 март куни уйда Никарагуа билан BetBoom ўртоқлик учрашуви ўтказиши маълум қилинди. Ушбу хабар юзасидан собиқ россиялик футболчи Владимир Быстров ўз фикрини билдирди. Бу ҳақда euro-football.ru хабар беради.
"Рақибни танимайман, аммо терма жамоа учун ўйин бўлиши албатта фойдали. Ўртоқлик учрашувлари, шубҳасиз, керак. Никарагуанинг 131-ўринда экани менга фарқи йўқ. Стадион тўла бўлишига ишонаман", — дея Быстровнинг сўзларини Metaratings келтирди.
Эслатиб ўтамиз, FIFA рейтингида Никарагуа 131-поғонада, Россия эса 36-ўринда бормоқда.
Россия — Никарагуа BetBoom ўртоқлик баҳси Краснодарда бўлиб ўтади.
Сўнгги йиғинда Россия Перуга қарши дуранг қайд этган (1:1) ва Чилига мағлуб бўлган эди (0:2).