Çĕнĕ центр хута каймалла
Чăваш Енре «Тухăçлă регион» компетенцисен центрне хута яма палăртаççĕ. Çĕнĕ центрăн тĕллевĕ – проектсем ĕçе кĕртме пулăшасси, тăкак чакаракан хатĕрсене сарасси. Кăçал республикăри ĕç тăвакан влаç тата вырăнти хăйтытăмлăх органĕсĕм 206 проект пурнăçлаççĕ. Ĕç тăвакан влаç органĕсен йышĕнче Чăваш Республикин экономика аталанăвĕ тата пурлăх хутшăнăвĕсен министерстви малтисен ретĕнче. Кунта 21 проект пурнăçланать. Вырăнти хăйтытăмлăх органĕсĕн йышĕнче Шупашкар хулипе Муркаш район администрацийĕ – пĕрремĕшсем. Вĕсем 13-шер проект ĕçе кĕртеççĕ. Асăннă проекта çĕршыври 30 регион хутшăнать. Чăваш Енре вăл кăçал кăна пурнăçланать. Унăн тĕллевĕ – тăкаксене чакарса тухăçлăха ӳстересси. Пирĕн республикăпа пĕрлех Чĕмпĕр, Иваново, Тюмень, Томск облаçĕсем тата Чукотка автономлă округ çак проекта кĕнĕ. Ĕç тăвакан влаç органĕсем 107-рен 25 проекта вĕçленине палăртмалла. Тухăçлă меслетсене ыттисем те усă курма пултарĕç