Күрше төбәктә төнге авариядә дүрт кеше һәлак булган
Башкортстанның Тәтешле районында килеп чыккан төнге юл-транспорт һәлакәтендә 4 кеше һәлак булган һәм 2 кеше зыян күргән, дип хәбәр иткән ЮХИДИнең республика буенча идарәсе башлыгы Владимир Севастьянов. Авария республиканың төньягында Борай — Иске Балтач — Куеда юлының 88 нче чакрымында булган. «Лада Гранта» белән «ГАЗель» йөк машинасы бәрелешә. «Лада»ның йөртүчесе һәм 3 пассажиры урында һәлак була. «Газель» йөртүчесен һәм пассажирын төрле җәрәхәтләр белән хастаханәгә алып киттеләр», — дип хәбәр итә Севастьянов.
Уфа РБК хәбәр иткәнчә, соңгы 11 көндә шул кадәр корбанлы 3 юл-транспорт һәлакәте булган. 17 декабрьдә Күгәрчен районында буран вакытында 2 җиңел автомобиль бәрелешкәндә 4 кеше һәлак булган һәм 2 кеше зыян күргән. 22 декабрьдә Әлшәй районында ВАЗ-2110, Mazda CX-5 һәм йөк машинасы бәрелешүендә 4 кеше һәлак булган һәм 3 кеше зыян күргән.