Казан Россиядә апрель аенда сәяхәтләр өчен популяр булган шәһәрләр унлыгына керде
(Казан, 10 март, «Татар-информ»). Россия халкы киләсе айда ял итәргә ниятләгән шәһәрләр рейтингында Казан алтынчы урынны алды. Бу хакта tvil.ru торак броньлау сервисы тикшеренү мәгълүматларыннан күренә.
Татарстан башкаласы Алушта, Санкт-Петербург, Анапа, Кисловодск һәм Гагры шәһәрләрен узды. Алардан тыш, унлыкка Калининград, Мәскәү, Түбән Новгород һәм Красноярск керә.
Туристлар еш кына шәһәр кунакханәләрендә туктала – андыйлар 54,12 процент, тагын 36,28 проценты фатирларны броньлауга өстенлек бирә һәм бары тик 8,69 проценты йортларны сайлый.
Сервис мәгълүматлары буенча, россиялеләр Казанда кунакханәләрне броньлый торган уртача вакыт 3,3 төн тәшкил итә.