Чаллы-Зәй-Әлмәт юлында һәлакәт
Татарстанның Зәй районында юл-транспорт һәлакәте нәтиҗәсендә өч кешенең гомере өзелгән һәм тагын бер кеше хастаханәгә озатылган.
Һәлакәт кичә 18.45 сәгатьтә Чаллы-Зәй-Әлмәт автоюлының 18 км да булган. «ВАЗ-2105» автомобиле белән идарә итүче 61 яшьлек ир-ат куркынычсызлык тизлеген һәм ян-як интервалын сакламаган. Шулай итеп каршы килүче Mercedes-Benz йөк машинасына бәрелгән.
Машина йөртүче һәм аның 82, 58 яшьлек пассажирлары алган тән җәрәхәтләреннән шунда ук үлгән. Юл-транспорт һәлакәте урыныннан 12 яшьлек пассажир хастаханәгә озатылган.