Пратениците на ВМРО-ДПМНЕ со предлог за повисоки пензии за 20 отсто
Пратеничката група на ВМРО-ДПМНЕ до Собранието денеска поднесе Предлог-закон за дополнување на Законот за пензиското и инвалидското осигурување, по скратена постапка, со кој се предвидува зголемување на пензиите за 20 проценти од април 2022 година.
Координаторот на пратеничката група на ВМРО-ДПМНЕ во Собранието, Никола Мицевски, изјави дека треба да се обезбеди зголемување на старосната пензија, но и на сите останати видови пензии, имајќи го предвид порастот на цените на одделни производи и електричната енергија, како и потребата од подобрување на животниот стандард на највозрасните граѓани.
„Секој пензионер има право да живее пристојно, со доволно средства да ги подмири основните трошоци за храна, греење, лекови итн. Со растот на минималната плата, соодветно е да растат и пензиите, со цел обезбедување на рамноправност и еднаквост на пензионерите со останатите граѓани. Цениме дека со предложеното законско решение ќе се подобри социјалната положба на корисниците на пензија во 2022 година со порастот на сите видови на пензија за 20 проценти. Преку оваа форма на усогласување ќе се зачува реалната вредност на пензиите и се заштитува стандардот на пензионерите“, рече координаторот на пратеничката група на ВМРО-ДПМНЕ.
ВМРО-ДПМНЕ поднесе амандман со кој покрај минимална плата ќе растат платите во јавниот сектор
Мицевски апелираше до парламентарното мнозинство да го поддржи Предлог-законот поднесен од неговата партија исто како што заедно, рече тој, биле обединети и за зголемувањето на минималната плата.
Координаторот на пратеничката група на ВМРО-ДПМНЕ во Собранието, Никола Мицевски, изјави дека треба да се обезбеди зголемување на старосната пензија, но и на сите останати видови пензии, имајќи го предвид порастот на цените на одделни производи и електричната енергија, како и потребата од подобрување на животниот стандард на највозрасните граѓани.
„Секој пензионер има право да живее пристојно, со доволно средства да ги подмири основните трошоци за храна, греење, лекови итн. Со растот на минималната плата, соодветно е да растат и пензиите, со цел обезбедување на рамноправност и еднаквост на пензионерите со останатите граѓани. Цениме дека со предложеното законско решение ќе се подобри социјалната положба на корисниците на пензија во 2022 година со порастот на сите видови на пензија за 20 проценти. Преку оваа форма на усогласување ќе се зачува реалната вредност на пензиите и се заштитува стандардот на пензионерите“, рече координаторот на пратеничката група на ВМРО-ДПМНЕ.
ВМРО-ДПМНЕ поднесе амандман со кој покрај минимална плата ќе растат платите во јавниот сектор
Мицевски апелираше до парламентарното мнозинство да го поддржи Предлог-законот поднесен од неговата партија исто како што заедно, рече тој, биле обединети и за зголемувањето на минималната плата.
