Лос-Анжелесте Санта-Моника бульварында көлік жұртты қағып өтті
Сенбіге қараған түні Шығыс Голливудта Лос-Анжелесте автомобиль жұртты қағып өтті. Кемінде 28 адам зардап шекті.
Бұл жөнінде Лос-Анжелес өрт қауіпсіздігі басқармасына (LAFD) сүйенген CNN жазды.
Оқиға түнгі сағат 2-лерде Вест-Санта-Моника бульварында – концерт өтетін жергілікті аумаққа жақын жерде болған. LAFD мәліметінше, ауруханаға өте ауыр жағдайда үш адам жеткізілген, алты адамның жағдайы - ауыр, тағы 19 адам орташа және жеңіл дәрежедегі жарақат алған.
Оқиға орнынан түсірілген видеода зардап шеккендерге көмек көрсетіліп жатқаны көрінеді. Бірнеше адам зембілмен әкетілген. Полиция аумақты қоршап тастады. Жедел қызметтің жүзден астам қызметкері оқиға орнында жұмыс істер жатыр. Олар зардап шеккендердің жағдайын тексеріп, ауруханаға жеткізуге көмектесіп жатыр.
Жүргізушінің аты-жөні және оқиғаның жай-жапсары айтылмайды. Тергеу жүріп жатыр.