Мбаппе ва Мастантуоно “Эль-Классико”да иштирок эта оладими?
ФИФА кунлари давомида терма жамоалари сафида жароҳат олган Килиан Мбаппе (Франция) ва Франко Мастантуоно (Аргентина) ҳақидаги янгилик мухлисларни хурсанд қилди. “Cope” нашри хабарига кўра, ҳар икки футболчи ҳам “Эль-Классико” учрашувигача соғайиб олади ва жамоасига ёрдам беришга тайёр бўлади.
Маълумотларга кўра, Мбаппе тўпиғидаги кичик муаммолардан сўнг тиббий кўрикдан муваффақиятли ўтган. “Реал Мадрид” шифокорлари ҳужумчида жиддий хавф йўқлигини таъкидлашган ва у “қаймоқранглилар” сафидаги бўлажак баҳсларда майдонга тушиши мумкин.
Шу билан бирга, “Реал”нинг ёш иқтидори Франко Мастантуоно ҳам терма жамоа йиғинлари чоғида мушаклардаги ноқулайлик сабабли майдонни тарк этган эди. Бироқ шифокорлар унинг ҳолати жиддий эмаслигини маълум қилишди ва у ҳам тез орада жамоа машғулотларига қайтади.
Таҳлилчилар фикрича, икки юлдузнинг соғайиши 26 октябрь куни бўлиб ўтадиган “Эль-Классико” учун катта аҳамиятга эга. Бу баҳс Ла Лиганинг 10-турида “Сантьяго Бернабеу” стадионида ўтказилади ва чемпионлик пойгасида муҳим аҳамият касб этади.
Айни пайтда “Реал Мадрид” 20 октябрдан 21 октябрга ўтар кечаси “Хетафе”га қарши баҳс олиб боради. Ушбу учрашув Мбаппе учун тикланишдан сўнгги илк синов бўлиши мумкин.
Шундай қилиб, икки футболчм ҳам яқин кунларда асосий таркибга қайтиши кутилмоқда — бу эса “Эль-Классико” олдидан мухлислар интиқлик билан кутган курашни янада қизиқарли қилади.
