“Реал”нинг собиқ юлдузи Ройстон Дренте инсульт билан шифохонага ётқизилди
“Реал”, “Фейеноорд” ва Нидерландия терма жамоасининг собиқ ярим ҳимоячиси Ройстон Дренте инсультга учради. Бу ҳақда у ҳозир фаолият юритаётган “Де Ребеллен” клуби ижтимоий тармоқ орқали маълум қилди.
Маълумотларга кўра, 38 ёшли футболчи ўзини ёмон ҳис қилгандан кейин шифокорларга мурожаат қилган ва шифохонага жойлаштирилган.
Ҳозирча Дрентенинг соғлиқ ҳолати ҳақида батафсил маълумот берилмаган, аммо унинг аҳволи жиддий экани айтилмоқда. Футболчининг яқинлари унинг шахсий ҳаётига ҳурмат билан муносабатда бўлишни ва тинчлик беришни сўраб, барчага сабр-тоқат тиллади. Улар спортчининг соғайиб кетиши учун барча зарур шароит яратилганини маълум қилишди.
Эслатиб ўтамиз, Ройстон Дренте бир пайтлар Европанинг етакчи клубларидан бири — мадридлик “Реал” сафида тўп сурган. Ҳозирда эса у Нидерландиядаги собиқ профессионал футболчилар жамоаси — “Де Ребеллен” таркибида ўйнаб келмоқда.
