Хәажәкыра акы Аԥснытәи аҳәынҭқарратә филармониаҿы имҩаԥысран иҟоуп Ареспубликатә конкурс "Аԥхьарца", абри атәы иҳәеит Sputnik Аԥсны арадиостудиаҟны Иван Кортуа ихьӡ зху жәлар рырҿиаратә центр аиҳабы Нури Кәарҷиа.
Аҟәа ақалақь Аҩныҵҟатәи аусқәа русбарҭа аҳәынҭавтоинспекциа аиҳабы Тариел Габелиа Sputnik Аԥсны акорреспондент изеиҭеиҳәеит аусбарҭа аусушьа атәы, дрылацәажәеит амҩатә машәырқәа рҟны ахара здны иибо.
Урыстәыла аолимпиатә Еилакы астатус аиҭашьақәыргылара азҵаара ӡбахоит урыстәылатәи аспортсменцәа аҵыхәтәантәи рдопинг-гәаҭарақәа рылҵшәақәа анеилкаахалак. Агәаҭарақәа мҩаԥган Пхенчхан.
Акатегориа PRO (апрофессионалцәа) Mitjet Winter Cup аҩбатәи аетап аҟны аиааира игеит Дмитри Ӷәазаа. Иара дишьҭанеиит Антон Немкин, ахԥатәины днеиит Константин Гугкаев.
Аҟазараз жәларбжьаратәи афестиваль "Звездный час" мҩаԥысуеит Москва, хәажәкыра 7 - 10 рзы.
Урыс бызшәала иҩу аԥсуа шәҟәыҩҩы Даур Начҟьебиа ишәҟәы "Берег ночи" серб бызшәала иҭыҵит. Ашәҟәы еиҭагоуп еиуеиԥшым абызшәақәа рыла.
Афонд "Ишьхатәылоу Аԥсныи" Урыстәыла агеографиатә еилазаареи аиқәшаҳаҭра рнапы аҵарҩит, абри атәы Sputnik арадиостудиаҟны иҳәеит Аԥсны Акультуреи аҭоурых-культуратә ҭынха ахьчареи рминистрра аҟазауаҩ Инал Џьопуа.
Раԥхьаӡа акәны атриатлони аӡсареи рзы аиндаҭлара мҩаԥгахоит Аҟәа. 300-ҩык ауаа злахәыз атриатлон азы раԥхьатәи аиндаҭлара мҩаԥысит жьҭаара 15 2017 шықәса рзы.
Афиналтә хәмарра Урыстәыла — Германиа мҩаԥысит жәабран 25 рзы. Урыстәылатәи акоманда аиааира рзааргеит Виачеслав Воинов, Никита Гусев, Кирилл Капризов иҭадыршәыз ашаибақәа.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости