Новости за 26.03.2018

Ааԥынтәи аԥсшьарамшқәа рзы ашколқәа рырҵаҩцәа рзанааҭтә ҩаӡара еиздырҳауеит ҳәа Sputnik ахь адырра ҟалҵеит Аԥсны аҵареи аҭҵаарадырреи рзы аминистр ихаҭыԥуаҩ Медеиа Ченгьелиаԥҳа.

Ҩышықәса раахыс, амажәа иалхыу ахаа-мыхаақәа рыла Гагра ақалақьуаа зыргәырӷьо Саида Саӡԥҳа иаҳзеиҭалҳәеит, урҭ рыҟаҵашьа иаҵоу амаӡақәа ртәы.

Аԥжәара иахҟьаны ауаҩԥсы дҭахеит. Ааигәа инхо ражәақәа рыла аԥжәара ҟалеит аихамҩақәеи Араион ҿыци иахьрыбжьанакыз абнараҿ ашьыжь асааҭ 9.30 рзы.

Хаз игоу акатегориа иаҵанакуа Аԥсны инхо Урыстәыла атәылауаа амедицинатә маругақәеи ахәшәкәеи рыла реиқәыршәаразы аҳәынҭқаррабжьаратә еиқәшаҳаҭра аԥсҭазаара иалырҵәахоит мызкала. Абри атәы иҳәеит Аԥсны агәабзиарахьчара аминистрра афармациа аусбарҭа аиҳабы Ахра Аџьба.

Мшаԥымза 2 - 6 рзы Аԥсны имҩаԥысраны иҟоуп Жәларбжьаратәи акинофестиваль.

Хәажәкыра 23 инаркны 25-нӡа Аҟәа имҩаԥысуан астолтә бкьаҭымпыл азы акомандақәа рыбжьара ачемпионат актәи аикәшара. Аицлабрақәа актәи рыхәҭа арадио Sputnik астудиа аҟны еихишьаалеит Аԥсны астолтә бкьаҭымпыл азы афедерациа ахада Роман Карчаа.

Хәажәкыра 25 рзы Ростов имҩаԥысуаз ашәарыцалақәа рцәыргақәҵа "Гордость Юга" Аԥснытәқәагьы рылахәын.

Аԥсны Ахада Рауль Ҳаџьымба Владимир Путин идиныҳәалеит Урыстәылатәи Афедерациа Ахада иалхрақәа раан иигаз аиааира.

Арадио Sputnik Аԥсны апроект "Агәалашәара амҩала" аҟны ишәыдаагалоит Аԥсны Аџьынџьтәылатә еибашьра ахроника.

Аԥсадгьыл ахь архынҳәразы аҳәынҭқарратә еилакы аԥҵан Аԥсни аҳәаанырцә инхо аԥсуа диаспореи реимадарақәа рырӷәӷәара хықәкны иҟаҵаны хәажәкыра 23 1993 шықәса рзы.