Новости за 05.04.2018

Аминистрцәа Реилазаара Ақәҵара "Оперативла ршәараан административтә хараԥсақәа рхышәа-ҵышәа аиҵатәра" иазыԥхьагәанаҭоит амҩатә ԥҟаррақәа реилагараз аҟәада 50% аиҵатәра, иара хәымш рыҩныҵҟа иршәозар.

Аҟәатәи Жәлабжьаратәи акинофестиваль алахәыла, арежиссиор қәыԥш Аҭана Агрԥҳа арадио Sputnik аефир аҟны еиҭалҳәеит, зметр кьаҿу лфильм "Алимонад ҟаҵаҩы Џьо" атәы.

Аԥснытәи аԥшьаныҟәаҩцәа идикылеит Иерусалим апатриарх Феофил III.

Максим Горьки имоҭа Екатерина Пешкова Аԥсныҟа дааит Максим Горьки диижьҭеи 150-шықәса аҵра иазку аиубилеитә уснагӡатәқәа дрылахәхарц азы.

Мшаԥы 4 рзы Аҳәынҭқарратә филармониаҿы имҩаԥысит Алхас Ферзба иконцерт.

Актәи Жәларбжьаратәи акинофестиваль аатит Аҟәа, Фазиль Искандер ихьӡ зху Аурыс драматә театр аҿы мшаԥы 2 рзы.

"Абаза-ТВ" иҭнахыз афильм "Максим Горький. Абхазские очерки" зыԥсҭазаареи зырҿиареи Аԥсны иадҳәалаз ашәҟәыҩҩы Максим Горьки 150-шықәса ихыҵра иазкуп.

Аԥсны Адәныҟатәи аусқәа рминистрраҟны иаԥҵоу адипломатцәа ҿарацәа Рхеилак ахантәаҩы аамҭала инапынҵақәа назыгӡо Инар Ладариа Sputnik иазеиҭеиҳәеит МГИМО астудентцәеи аԥсуа дипломатцәа ҿарацәеи шеиԥылаз атәы.

Акурорттә сезон аҽазыҟаҵара азҵаарақәа рыӡбразы имҩаԥган аилацәажәара Аҩныҵҟатәи аусқәа рминистрраҟны.

ЕАШ (США) асанкциа ҿыцқәа агәҭакуп. Иара иаҵанакыр ҟалоит фҩык рҟынӡа "аолигархцәа".

Қырҭтәыла Аԥыза-министр Георги Квирикашвили "Уаҵәтәи амш ахь ашьаҿа" захьӡу аԥшьгамҭа ҟаиҵеит. Иара игәаанагарала аԥшьгамҭа азырхоуп Аԥсни Аахыҵ Уаԥстәылеи руааԥсыра ргуманитартәи рсоциал-економикатәи ҭагылазаашьа аиӷьтәра.

Ахәыҷтәы ҟазаратә школ "Абаза" асахьаркыратә напхгаҩы Циала Чкадуаԥҳа арадио Sputnik аҟны дырзааҭгылеит лааӡамҭацәа реихьӡарақәа.

Апсуаҭҵааратә институт аиҳабы, аҵарауаҩ Арда Ашәба арадио Sputnik астудиаҿы далацәажәеит Аԥсны амшаԥ ныҳәа х-мыш шагу, аԥшьашаҽны, аԥсуаа ақьырсиан динхаҵара ныҟәызго аҭаацәарақәа ишазгәарҭо Чачхадыл.

Гагра ақалақьуаҩ Лиудмила Сергьегьиаԥҳа иаҳзеиҭалҳәеит, даныхәыҷыз аахыс лгәалашәараҿы инхаз, лан Маргарита Бениаԥҳа (Кьахьырԥҳа) Амшаԥы аԥхьатәи аԥшьашазы, Чачхадыл (Чхадыл) аназгәарҭоз аишәаркра дшазнеиуаз, афатә ҷыда шлырмазеиуаз атәы.

Ҭырқәтәылеи Урыстәылеи реизыҟазаашьа рзыхмырбгалеит уи даара изҭахны иҟаз иҳәеит Ҭырқәтәыла Ахада Таиип Ердоган, Владимир Путини иареи еицымҩаԥыргоз апресс-конференциаҿы.

Аԥсны Акурортқәеи атуризми рминистр Авҭандил Гарцкиа еиуеиԥшым аҳәынҭқарратә мчрақәа рахь ааԥхьара ҟаиҵеит ареспублика амшын аҟәарақәа рҟны ашәарҭадара еиҿыркаарц.

Арадио Sputnik Аԥсны апроект "Агәалашәара амҩала" аҟны ишәыдаагалоит Аԥсны Аџьынџьтәылатә еибашьра ахроника.