Новости за 15.02.2019

Таиф Аџьба имшынҵала ақәыргыламҭа аус адуларазы аматериал хшыҩла-гәыла уазнеироуп ҳәа азгәалҭеит Аԥсуа ҳәынҭқарратә драматә театр арежиссиор Мадина Аргәынԥҳа арадио Sputnik аефир аҟны.

Аԥсныи Урыстәылеи ркурортқәа рыбжьара акруизтә еимадара хацыркхараны иҟоуп 2020 шықәса рзы.

Асовет ар Афганисҭан ралгара иазку аилатәара мҩаԥган Аԥсны атәылахьчара аминистрраҿы жәабран 15 рзы.

Очамчыра араион аҿы имҩаԥысуа амузыкатә проект "Орфеи" афиналбжатә концерт ацашьеи, аицлабра аԥҟарақәа рыҽзеиҭаркызи атәы арадио Sputnik Аԥсны аефир аҿы еиҭалҳәеит апроект апресс-маӡаныҟәгаҩ Сельма Чагәааԥҳа.

Азин еилазгаз иазгәарҭеит атауар Урыстәылаҟа аҭиразы ишыргоз, убри аан Евразиатәи аекономикатә еидгыла аҳазалхратә ҳәаа атауар ахыгараз аԥҟарақәа шырзымдыруаз.

30 шықәса раԥхьа Афганистан иалган Асоветтә архәҭақәа. Уи нахыс акыр ахҳәаа азыҟарҵахьеит Асовет Еидгыла ар Афганистан аҟазаара аҵакы, ари азҵааразы ихатә гәаанагара арадио Sputnik Аԥсны аефир аҿы иҳәеит Афганистан еибашьуаз аветеранцәа реидгыла ахантәаҩы Даур Ҵулукьиа.

Аԥсны иҟоу Аладатәи арратә база аруааи Аԥсны атәылахьчара аминистрра аруааи 25 литра рҟынӡа ршьа арҭеит.

Афганистан аибашьра аветеран Оҭар Палаванӡиа арадио Sputnik Аԥсны иаиҭаз аинтервиу аҿы еиҭеиҳәеит Афганистан дшақәшәаз, асоветтә архәҭакәа ралгара атәы ажәабжь шиаҳаз, нас уи шидикылаз.

Аконкурс мҩаԥгахоит  8-10 аклассқәа рҿы аҵара зҵо ахәыҷқәа рыбжьара.

Аԥсны аԥыза-министр Валери Бганба зхадараҿы дыҟаз аофициалтә делегациа Шәача, жәабран 14 рзы имҩаԥысуаз Урыстәылатәи аинвестициатә форум-2019 аартреи апленартә еилатәареи ирылахәын.

13 шықәса раԥхьа адеревациатә туннель аремонт азун. Уажәы, аусурақәа реиҭамҩаԥгаразы атендер рылаҳәоуп.