Новости за 22.06.2019

Абжьы гәыла мамзар хшыҩла акәу ишаҭатәу? Амилаҭтә алхрақәа рҷыдарақәа ртәы арадио Sputnik Аԥсны аефир аҟны далацәажәеит Аԥснытәи аҳәынҭқарратә университет арҵаҩы, аполитолог Беслан Ҳагба.

Абжьы гәыла мамзар хшыҩла акәу ишаҭатәу? Амилаҭтә алхрақәа рҷыдарақәа ртәы арадио Sputnik Аԥсны аефир аҟны далацәажәеит Аԥсны ахада иҿы иҟоу Астратегиатә ҭҵаарақәа рцентр аиҳабы, афилософ Олег Дамениа.

Урыстәылатәи Афедерациа ахада Владимир Путин арҭ амшқәа рзы Қырҭтәыла аҭыԥ змоу Урыстәыла иаҿагылоу аилаҩынтрақәа ирыхҟьаны инапы аҵаиҩит Қырҭтәылаҟа аурыс тәылауаа ҳаирпланла рнагаагара ԥхынгәы 8 инаркны аанкыларазы аусԥҟа, иара убасгьы атуристтә операторцәеи агентцәеи уахь амҩақәҵагақәа рыҭира ааныркыларц рабжьгоуп.

Иахьа 78 шықәса ҵит рашәара 22, 1941 шықәсазы Аџьынџьтәылатә еибашьра Дуӡӡа иалагеижьҭеи. Уи хамеигӡарала рҽаладырхәит жәла-жәлала, ҭаацәа-ҭаацәала аԥсуаагьы. Азеиԥш ԥсадгьыл анемец фашист иҟнытә изыхьчоз ҳауаажәлар рыгәҭа иҟан Гәдоуҭа араион, Мгәыӡырхәа ақыҭан ииз, иааӡаз хәҩык аишьцәа гәакьацәа Жьиаа, урҭ рахьтә хҩык иахьа уажәраанӡа хабарда ибжьаӡит ҳәа иԥхьаӡоуп.

Шьамтəылантəи шықəсқəак раԥхьа зҭоурыхтə ԥсадгьыл ахь ихынҳəыз, уи агәыбылра ӷәӷәа ззаду, зҭоурыхи заԥсуареи пату ду ззақәу арԥыс Џьолан Маршьан изку анҵамҭа шәыдылгалоит Сырма Ашәԥҳа.

Избан аӡаҿы ашәарҭадара иақәнагоу аԥҟарақәа хырҩа зрыҭоу, иҟаҵатәузеи ақалақь иаҵанакуа амшын аҟәара иахәҭоу амыругақәа рыла еиқәыршәазарц, абри азы арадио Sputnik аефир аҟны игәаанагара иҳәеит Зышәагаа маҷу амшынӷбақәа рзы аинспекциа аиҳабы Ҭенгиз Сабуа.

Цандрыԥшьтәи авокзал аҿаԥшылара аиҿкааразы аусурақәа нап дыркуп.

Аԥснытәи абоксиор Енри Агрба ареспублика ахьӡала дықәгылараны дыҟоуп Кисловодск имҩаԥысуа FCF-MMA аверсиа иатәу Напышьашәалатәи ақәԥаразы адунеи ачемпионат аҿы.