Новости за 19.08.2019

Аԥсуа Федерациа имҩаԥнагаз аизара аҿы иззаҭгылаз азҵаарақəа дрылацəажəоит уи анапхгаҩы Аҭанур Аҟəысба.

Аҟәа ақалақь Гәыматәи амҩа адгьылҳәазара ахьыҟалаз ахәҭаҿы инхоз 20 ҭаацәара рыҩныҟақәа рахь ихынҳәит. Дара арыцҳара иақәымшәарц азы даҽа ҭыԥк ахь нхара ҳәа ииаган.

Астолтә ԥкьаҭымԥыл азы афедерациа ахада Беслан Карчаа арадио Sputnik аҟны иҳәеит Аҟәа имҩаԥысраны иҟоу Жәларбжьаратәи атурнир иалахәхо, аспортсменцәа разыҟаҵара атәы.

Таитәи абокс азы Краснодартәи атәылаҿацә Ахраҿа мҩаԥысит Краснодар ақалақь нанҳәа 17-18 рзы. Уи иалахәын 200 спортсмен инарзынаԥшуа.

Аԥсны асасааирҭақәа рыԥшәмацәа реидгыла ахада Асҭамыр Ахба арадио Sputnik аҟны иҳәеит акруизтә ӷба "Князь Владимир" ҳҳәынҭқаррахь аныҟәарақәа асасдкыларатә индустриа арҿиоит ҳәа.

35-тәи алхырҭатә ҭыԥ хадаҟны иҭаҩуп алхыҩцәа 872, урҭ рахьтә 516-ҩык Гал ақалақь аҿы иҟоу алхырҭатә ҭыԥ №1 ахь иаҵанакуеит, 356-ҩык - Гәымарқыҭ иатәу алхырҭатә ҭыԥ №2 ахь.

Нанҳәа 19 рзы Аиашахаҵаратә уахәама иаԥылоит Анцәа Иҽеиҭакра аныҳәа. Уи шьақәдыргылеит Фавор ашьхаҿы Иаса Қьырса иҵаҩцәа рҿаԥхьа Иҽеиҭакра агәалашәаразы.

Ажурнал "Аҟазара" 2019 шықәсазтәи аҩбатәи аномер еиҭарҿыцны иҭыжьын. Уи аредактор хада Геннади Аламиа ажурнал иалагалаз аԥсахрақәа дрылацәажәеит.

Аԥснытәи аҳәынҭқарратә филармониа аӡыргаразы аспециалист хада Арифа Капԥҳа арадио Sputnik Аԥсны иазеиҭалҳәеит нанҳәа 20 рзы аҳәынҭқарратә филармониаҿы имҩаԥысран иҟоу аконцерт апрограмма зеиԥшрахо.

Афиналтә хәмарраҟны 6:4 6:2 ҳәа Амина Аншԥҳа дылиааит урыстәылатәи аспортсменка Влада Коваль.

Абзиабара иазышәаҳәо аспектакль, аҭоурыхтә спектакль, англиатәи акомедиа - Sputnik Аԥсны афишаҿы.